1. Svíja túr 2012 

Koma til Íslands 24. júní ferð byrjar 25. júní

Dagur. 1

Skarðarétt- Engjadalur. Riðið frá Skarðarétt upp heiðardal í Dalsá, áð í smá stund. Frá Dalsá er riðið yfir Kolugafjall um Reiðskarð komið inn á Þverárfjall og riðið sem leið liggur í Engjalæk, þar er áð , skipt  um hross og drukkið nesti.

Engjadalur-  Neðri Mýrar. Lagt af stað frá Engjadal áleiðis að Þverá, riðið um hlaðið á Þverá og svo áleiðis niður eyrarnar í Skrapatungurétt. Hross gista að Neðri Mýrum en mannskapur í réttarhúsinu við Skrapatunguréttina.

Dagur 2. 

Neðri Mýrar- Blönduós. Riðað af stað niður Laxárdalsafleggjarann niður á veg 74 yfir hann og á neðri byggðar veg, honum fylgt að Blönduósi Farið í gegnum/framhjá Blönduósi yfir ána/brúna og í hesthúsahverfið á Blönduósi þar er áð, skipt um reiðskjóta og etið og drukkið nesti.

Blönduós- Þingeyrar. Riðið af stað frá hesthúsahverfi Blönduóss til suðurs, beigt svo til vesturs og komið inn á gamla gróna reiðslóð, henni fylgt að þjóðvegi 1 við afleggjarann að Húnsstöðum, þar er farið yfir veginn og niður afleggjarann í gegn hjá Húnstöðum, niður undir sjó ,og riðið sem leið liggur að Húnavatn.  Farið YFIR vatnið ca 400 metra reið, dagurinn endar svo á mjúkum sandgötum í Þingeyrar. Hross gista á Þingeyrum.

Dagur 3.

Þingeyrar- Þorfinnsstaðir. Lagt af stað frá Þingeyrum á mjúkum sandgötum og áleiðis áÞingeyrarsandinn sem er rúmir 7 km af svörtum stinnum sand. Mikið frelsi fyrir hross og menn, við lok Þingeyrarsands er komið að Bjargós riðið yfir hann á vaði, við tekuróbyggðaleið með miklu útsýni góðum götum og ósnortinni  náttúru, komið að vegmótum beigt er til vesturs og riðið að Þorfinnsstöðum þar er áð, skipt um hesta og skóflað í sig nesti.

Þorfinnsstaðir-Harastaðir. Eftir að búið er að gera vel við sig í mat og drykk er lagt í hann frá Þorfinnsstöðum suður eftir góðum malarvegi fram hjá Þverárrétt í Harastaði.

Dagur 4. 

Harastaðir - Katardalur. Riðið í Þverárrétt, upp í gegnum um hana upp að gili ofan við hana uppúr gilinu og yfir fjallið í Katardalinn, riðið niður Katardalinn að bænum  Katardal, þar er skipt um reiðskjóta og gúffað í sig kræsingum.

Katardalur- Krossanes. Eftir át og hestaskipti er haldið áfram niður Katardalinn riðið upp á ásinn þegar blotnar um of niðri í dalnum, komið niður að vegi vestarlega á Vatnssnesi, riðið fyrir endann á Vatnsnesinu áleiðis í Krossanes.

Dagur 5.

 Krossanes- Ægissíða. Lagt af stað frá Krossanesi eftir góðum kindaslóðum riðið niður að sjó og meðfram sjónum að Valdalæk þar er komið upp á veginn aftur góður malarvegur veginum fylgt að Ægissíðu þar sem stoppað er, skipt um hesta og nartað í nesti.

Ægissíða- Harastaðir.veginum fylgt áfram suður Vatnssnesið áleiðis í Harastaði góður mjúkur malarvegur með prýðis útsýni.

Dagur 6.

Harastaðir- Stóra Borg. Áfram haldið til suðurs frá Harastöðum niður að Breiðabólsstað, þar er farið til austurs niður að Vesturhópsvatni riðið eftir fjörunni við vatnið að Bjarghúsum þar er komið inn á gamlan malarveg mjúkan og góðan, riðið í norður frá Bjarghúsum áleiðis að Borgarvirki sögufrægum stað , þar er áð Borgarvirkið skoðað og lagt svo í hann aftur, riðið afram að Stóru Borg þar er áð ,skipt um reiðskjóta og rifið í sig nesti.

Stóra Borg-Harastaðir. Góður vegur, riðað að Þorfinnsstöðum, fram hjá Þverárrétt og í Harastaði, góður vegur sem býður upp á hraða og gleði fallegt útsýni yfir Vesturhópsvatnið. Góður hringur til að enda túrinn :)